ഖുർആൻ ആകുന്ന കര്മ്മ പുസ്തകം .

ഭൂമിയിലെ മുഴുവന് മനുഷ്യര്ക്കുമായി ദൈവത്തില്നിന്ന് അവതരിച്ച പരിശുദ്ധ ഗ്രന്ഥമാണ് ഖുര്ആന്. അതിനാൽഓരോ വ്യക്തിയും ഭൂമിയിൽജീവിക്കുന്ന ഒരു മനുഷ്യൻ ആകേണ്ടതുണ്ട് .

അന്ത്യവിധി നാളില് - പുനരുദ്ധാന ദിനം- എല്ലാ മനുഷ്യരും ആദ്യം സൃഷ്ടിക്കപ്പെട്ടത് ഏതുപോലെയോ അതുപോലെ യാതൊരു മുന്ധാരനകലുമില്ലാതെ സ്വന്തം ഹൃദയത്തിന് യാതൊരു മറയുമില്ലാതെ -നഗ്നരായി - അല്ലാഹുവിന്റെ മുന്നില് ഒന്നിച്ചു ചേര്ക്കപ്പെടും. ഖുര്ആനില് ആ സംഭവം വിവരിക്കുന്നത് ഇങ്ങനെ: "നിന്റെ നാഥന്റെ മുന്നില് അവരൊക്കെയും അണിയണിയായി നിര്ത്തപ്പെടും. അപ്പോഴവന് പറയും: നിങ്ങളെ നാം ആദ്യ തവണ സൃഷ്ടിച്ചപോലെ നിങ്ങളിതാ നമ്മുടെ അടുത്ത് വന്നിരിക്കുന്നു. ഇത്തരം ഒരു സന്ദര്ഭം നിങ്ങള്ക്ക് നാം ഉണ്ടാക്കുകയേ ഇല്ല എന്നാണല്ലോ നിങ്ങള് വാദിച്ചുകൊണ്ടിരിക്കുന്നത്.   കര്മപുസ്തകം ആകുന്ന - ഖുർആൻ- നിങ്ങളുടെ മുന്നില് വെക്കും. തന്റെ സ്വന്തം രേഖപ്പെടുത്തപ്പെട്ട കര്മ്മ പുസ്തകമാണെന്ന് തിരിച്ചറിയുമ്പോൾ അതിലുള്ളവയെപ്പറ്റി പേടിച്ചരണ്ടവരായി പാപികളെ നീ കാണും. അവര് പറയും: അയ്യോ, ഞങ്ങള്ക്കു നാശം! ഇതെന്തൊരു കര്മരേഖ! ചെറുതും വലുതമായ ഒന്നും തന്നെ ഇത് വിട്ടുകളഞ്ഞിട്ടില്ലല്ലോ. അവര് പ്രവര്ത്തിച്ചതൊക്കെയും തങ്ങളുടെ മുന്നില് വന്നെത്തിയതായി അവര് കാണുന്നു. നിന്റെ നാഥന് ആരോടും അനീതി കാണിക്കുകയില്ല'' എതൊരുവൻ ഖുർആൻ തന്റെ കര്മ്മ പുസ്തകമായി കാണുന്നുവോ അവനു ഈ വചനങ്ങൾതന്നോടാണ് പറയുന്നത് എന്ന് ഭോധ്യപ്പെടും . ദൈവാനുഗ്രഹം സിദ്ധിക്കാനിരിക്കുന്നവര്ക്കും ദൈവശിക്ഷ അനുഭവിക്കാനിരിക്കുന്നവര്ക്കുമായി രണ്ടുതരം രജിസ്ററുകള് ദൈവത്തിന്റെ സൂക്ഷിപ്പില് ഉള്ളതായി ഖുര്ആന് പറയുന്നു. ദൈവപ്രീതി നേടി ഭാഗ്യശാലികളുടെ കര്മരേഖകള് 'ഇല്ലീയിനി'യിലായിരിക്കും സൂക്ഷിച്ചിട്ടുണ്ടാവുക. ദൈവസാമീപ്യം സിദ്ധച്ചവരാവും അതിനു സാക്ഷികള്.   "സംശയമില്ല. സുകര്മികളുടെ കര്മരേഖ ഇല്ലിയീനിലാണ്. ഇല്ലിയീനെ സംബന്ധിച്ച് നിനക്കെന്തറിയാം? അതൊരു ലിഖിത രേഖയാണ്. ദൈവസാമീപ്യം സിദ്ധിച്ചവര് അതിനു സാക്ഷികളായിരിക്കും. സുകര്മികള് സുഖാനുഗ്രഹങ്ങളിലായിരിക്കും. ചാരുമഞ്ചങ്ങളിലിരുന്ന് അവരെല്ലാം നോക്കിക്കാണും. അവരുടെ മുഖങ്ങളില് ദിവ്യാനുഗ്രഹങ്ങളുടെ ശോഭ നിനക്കു കണ്ടറിയാം'' കുറ്റവാളികളുടെ കര്മരേഖ 'സിജ്ജീനി'ല് ആയിരിക്കും. കത്തിക്കാളുന്ന നരകത്തീയില് കിടന്നെരിയാനുള്ളവരാണവര്. തങ്ങളുടെ നാഥനെ കാണുന്നതില്നിന്ന് അവര് വിലക്കപ്പെടും.   "സംശയമില്ല; കുറ്റവാളികളുടെ കര്മരേഖ സിജ്ജീനില് തന്നെ. സിജ്ജീന് എന്നാല് എന്തെന്ന് നിനക്കെന്തറിയാം? അതൊരു ലിഖിത രേഖയാണ്. അന്നാളില് നാശം സത്യനിഷേധികള്ക്കാണ്. അവരോ, പ്രതിഫലനാളിനെ കള്ളമാക്കി തള്ളുന്നവര്. അതിക്രമിയും അപരാധിയുമല്ലാതെ ആരും അതിനെ തള്ളിപ്പറയുകയില്ല. നമ്മുടെ സന്ദേശം ഓതിക്കേള്പ്പിക്കുമ്പോള് അവര് പറയും: ഇത് പൂർവ്വീകരുടെ പൊട്ടക്കഥകളാണ്. അല്ല അവര് ചെയ്തുകൂട്ടുന്ന കുറ്റങ്ങള് അവരുടെ ഹൃദയങ്ങളിന്മേല് കറയായി പറ്റിപ്പിടിച്ചിരിക്കുകയാണ്. നിസ്സംശയം; ആ ദിനത്തിലവര് തങ്ങളുടെ നാഥനെ ദര്ശിക്കുന്നത് വിലക്കപ്പെടും. പിന്നെയവര് കത്തിക്കാളുന്ന നരകത്തീയില് കടന്നെരിയും'' .

ഇനിയും ജീവിതകാലത്ത് നന്മ ചെയ്യാന് ലഭിച്ച അവസരങ്ങളെല്ലാം പാഴാക്കി ദൈവത്തിന്റെ ശാപത്തിനും കോപത്തിനും പാത്രമായവര്ക്കുള്ള ശിക്ഷാവിധി രേഖപ്പെടുത്തിയ രേഖ ഇടതുകൈയില് ലഭിക്കുമ്പോള് ഉണ്ടാകുന്ന അവരുടെ അവസ്ഥയും ഖുര്ആനിലുണ്ട്. ഇങ്ങനെ: "എന്നാല് ഇടതുകൈയില് കര്മപുസ്തകം കിട്ടുന്നവനോ, അവന് പറയും: കഷ്ടം! എനിക്കെന്റെ കര്മപുസ്തകം കിട്ടിയില്ലായിരുന്നെങ്കില്! എന്റെ കണക്ക് എന്തെന്ന് ഞാന് അറിഞ്ഞിരുന്നില്ലെങ്കില്! മരണം എല്ലാറ്റിന്റെയും ഒടുക്കമായിരുന്നെങ്കില്! എന്റെ ധനം എനിക്കൊട്ടും ഉപകരിച്ചില്ല. എന്റെ അധികാരങ്ങളൊക്കെയും എനിക്ക് നഷ്ടപ്പെട്ടു. അപ്പോള് കല്പനയുണ്ടാകുന്നു: നിങ്ങള് അവനെ പിടിച്ച് കുരുക്കിലിടൂ. പിന്നെ നരകത്തീയിലെറിയൂ'' .

കര്മപുസ്തകം - ഖുർആൻ - തന്റെ വലതു കൈയില് കിട്ടിയവന് പറയും: "ഇതാ എന്റെ കര്മപുസ്തകം; വായിച്ചു നോക്കൂ. 'എന്റെ വിചാരണയെ ഞാന് നേരിടേണ്ടിവരുമെന്ന് എനിക്കുറപ്പുണ്ടായിരുന്നു.' അങ്ങനെ അവര് സംതൃപ്തമായ ജീവിതത്തിലെത്തുന്നു. ഉന്നതമായ സ്വര്ഗത്തില്. അതിലെ പഴങ്ങള് വളരെ അടുത്തായി തൂങ്ങിക്കിടക്കുന്നുണ്ടായിരിക്കും. കഴിഞ്ഞ നാളുകളില് നിങ്ങള് ചെയ്തിരുന്നതിന്റെ പ്രതിഫലമായി ഇതാ തൃപ്തിയോടെ തിന്നുകയും കുടിക്കുകയും ചെയ്യക'' , ഖുർആൻ ആകുന്ന കര്മ്മ പുസ്തകം  പല പ്രത്യേകതകളും ഉള്ളതാണ് വലതു കൈയിലോ ഇടതുകൈയിലോ ആയി അവസാന ദിവസം അല്ലാഹു കൊടുക്കുന്ന രേഖകള്. ഖുർആൻ തന്റെ കര്മ്മ പുസ്തകമാണെന്ന് അറിയുന്നവനു എഴുത്തും വായനയും അറിയുന്ന ആര്ക്കും അവ എളുപ്പം വായിച്ചറിയാന് കഴിയും. വിശദീകരണത്തിനായി ആരെയും ആശ്രയിക്കേണ്ടതില്ലാത്തവിധം മനസ്സിലാകുന്ന തരത്തിലായിരിക്കും അതിന്റെ ഭാഷയും ഉള്ളടക്കവും. കണ്ണ് ചിമ്മുന്ന സമയം കൊണ്ട് എല്ലാം വിലയിരുത്തി ഏറ്റവും നീതിപൂര്വകമായി അല്ലാഹുവിന്റെ വിധി പ്രസ്താവന വന്നിരിക്കും.

അല്ലാഹുവിന്റെ കാരുണ്യത്തിനും അനുഗ്രഹത്തിനും അര്ഹത നേടിയവരെ അല്ലാഹു ഖുർആൻ ആകുന്ന കര്മ്മ പുസ്തകത്തിലൂടെ അറിയിക്കും: "സത്യസന്ധന്മാര്ക്ക് തങ്ങളുടെ സത്യം ഉപകരിക്കും ദിനമാണിത്. അവര്ക്ക് താഴ്ഭാഗത്തൂടെ അരുവികളൊഴുകുന്ന സ്വര്ഗീയാരാമങ്ങളുണ്ട്. അവരവിടെ സ്ഥിര വാസികളായിരിക്കും. അവരെക്കുറിച്ച് അല്ലാഹു സംപ്രീതനായിരിക്കുന്നു. അവര് അവനെപ്പറ്റിയും സംതൃപ്തരാണ്. അതത്രെ അതിമഹത്തായ വിജയം. ആകാശഭൂമികളുടെയും അവയിലുള്ളവയുടെയും ആധിപത്യം അല്ലാഹുവിനു മാത്രമാണ്. അവന് എല്ലാ കാര്യങ്ങള്ക്കും കഴിവുറ്റവനാണ്'' ഞാൻ സത്യസന്തതക്ക് അര്ഹനാണോ എന്നത് ആ ദിനത്തിൽ ഓരോരുത്തരും സ്വയം തിരിച്ചറിയുന്നതാണ് .

ഏതൊരു വ്യക്തിയുടെയും ഉള്ളും പുറവും  വിവരിക്കുന്ന പുസ്തകം ഇത്രയധികം സത്യസന്ധമായി വസ്തുതകള് പ്രതിപാദിക്കുന്ന മറ്റൊരു ഗ്രന്ഥം ഖുര്ആന് അല്ലാതെ ഭൂമിയില് ഉണ്ടോ? ആരുടെയും മുഖം നോക്കാതെയും ആരുടെയും പ്രീതി പ്രതീക്ഷിക്കാതെയും ആരെയും ഭയപ്പെടാതെയും വെട്ടിത്തുറന്ന് കാര്യങ്ങള് പറയുന്നു എന്നതാണ് സ്വന്തം കര്മ്മ പുസ്തകമായ ഖുർആന്റെ പ്രത്യേകത.

നിങ്ങൾ സ്വയം തന്നെയോ പ്രവാചകന്മാരായ മനുഷ്യരിൽ ആരങ്കിലുമൊ അല്ല അതിന്റെ കര്ത്താവെന്നും പ്രപഞ്ചമാകെ സൃഷ്ടിച്ചു പരിപാലിക്കുന്ന സർവ്വജ്ഞനും സർവ്വശക്തനുമായ അല്ലാഹു തന്നെയാണെന്നും ഏറ്റവും വ്യക്തമായും ആവര്ത്തിച്ചും ഖുര്ആന് പ്രഖ്യാപിക്കുന്നു.  അതു കേള്ക്കുമ്പോള് അവിശ്വാസികള്ക്ക് സംശയം: അതെങ്ങനെ? അദൃശ്യനായ ദൈവം ഗ്രന്ഥം എഴുതിത്തരുകയോ! അങ്ങനെ ഒരു പതിവ് കേട്ടുകേൾവിയില്ലാത്തതാണല്ലോ എങ്ങും. പിന്നെങ്ങനെ വിശ്വസിക്കും? ഇതാരോട് ചോദിക്കും , നാളിതുവരെ ആരുമിതു പറഞ്ഞു കേട്ടിട്ടില്ലല്ലോ , ഞാനിതുവരെ ഇത്രയും നാൾ ഈ ലോകത്ത് ഉണ്ടായിരുന്നില്ലേ , ഇതെന്തൊരു പുസ്തകമാണ് ,.

ദൈവത്തില്‍നിന്നു ലഭിച്ചതോ ദൈവം പഠിപ്പിച്ചതോ അല്ലാത്ത ഒരു ജ്ഞാനവും മനുഷ്യനില്ല. എല്ലാ അറിവുകളും ഒന്നിച്ചോ ഒരേ സമയത്തോ അറിയിക്കുന്നതല്ല ദൈവത്തിന്റെ രീതി. പടിപടിയായും അല്‍പാല്‍പമായും ആയിരിക്കും അവന്‍ നിശ്ചയിക്കുന്ന സമയത്ത് അത് ലഭിക്കുക. വളരെ എളുപ്പം സാധിക്കാവുന്നതെന്നു തോന്നാവുന്ന പല അറിവുകളും ഇന്നും മനുഷ്യനും ലഭ്യമായിട്ടില്ല. ഇല്ലാത്ത അറിവ് നേടുന്നതിന് അന്വേഷിക്കേണ്ടത് അവിടെയാണെന്നാണ് അതിന്റെ സൂചന. മനുഷ്യര്‍ക്ക് അറിയാത്തത് അറിയിക്കലും സത്യാസത്യങ്ങള്‍ വേര്‍തിരിക്കാന്‍ സഹായിക്കലുമാണ് ഖുര്‍ആന്റെ ഒരു മുഖ്യ കൃത്യനിര്‍വഹണം. മറ്റെങ്ങു നിന്നും ലഭ്യമല്ലാത്ത പല അറിവുകളും മനുഷ്യര്‍ക്ക് നല്‍കുന്ന ഗ്രന്ഥമാണ് ഖുര്‍ആന്‍. എന്നാല്‍, ആ അറിവ് എവിടെ നിന്നാണെന്നും വെളിപ്പെടുത്തുന്നുണ്ട് ആ ഗ്രന്ഥം. എല്ലാ വിജ്ഞാനത്തിന്റെയും കേന്ദ്രവും കേദാരവുമായ അല്ലാഹുവിന്റെ പക്കല്‍ സൂക്ഷിച്ചിട്ടുള്ള ഉമ്മുല്‍ കിതാബ് എന്ന ഗ്രന്ഥമാണ് ആ വിജ്ഞാന സാഗരം.

ഓരോ മനുഷ്യന്റെയും ജനനം, മരണം, ആകൃതി, സ്വഭാവം തുടങ്ങി അറിയേണ്ട കാര്യങ്ങള് എന്തെല്ലാമുണ്ടോ അവയെല്ലാം കര്മ്മ പുസ്തകമായ ഖുർആൻ ആകുന്ന ഉമ്മുൽ കിത്താബിൽ  കാണും. പിന്നീടെപ്പോഴെങ്കിലും തന്നെ സ്വയം തന്നെ അറിയേണ്ടിവന്നാല് വിരല് അറ്റവും അതിലെ രേഖകള് പോലെ മാറ്റമില്ലാതെ കൃത്യമായി വായിച്ചെടു ച്ചെടുക്കാന് അവനു  കഴിയും. കൃത്യവും കണിശവുമായ ജനന മരണ കണക്ക്. ആയുസ്സിന്റെയും ആരോഗ്യത്തിന്റെയും ബുദ്ധിയുടെയും ശക്തിയുടെയും അളവും നീളവും അതിലുണ്ടാകും കൃത്യമായി.

തന്റെ ജീവിതാരംഭം മുതല് ജീവിതാന്ത്യം വരെയുള്ള പ്രവര്ത്തനങ്ങള് വിലയിരുത്തി അര്ഹമായ പ്രതിഫലം നല്കാന് അല്ലാഹുവിന് എത്ര എളുപ്പം! ചെറുതും വലുതുമായ യാതൊരു പ്രവൃത്തിയും വിട്ടുപോകാതെ ആദ്യന്തം കണിശമായി രേഖപ്പെടുത്തിയിട്ടുള്ളതാണ് ദൈവസമക്ഷം സൂക്ഷിച്ചിട്ടുള്ള ഉമ്മുല് കിതാബ്. അതിനെപ്പറ്റി അറിയുമ്പോള് ആരും അത്ഭുതത്തോടെ പറഞ്ഞുപോകും: ഇതെന്തൊരു ഗ്രന്ഥം തമ്പുരാനേ.